2005-03-23
Толькі ня трэба блытаць гэты тэст з праграмамі навучаньня англельскай кшталту курсу Ілоны Давыдава . Тэст патрэбна прайсьці дзеля таго, каб выявіць ваш узровень валоданьня ангельскай і прадставіць яго ў пунктах. У сярэднім патрабаваньні амэрыканскіх унівэрсытэтаў складаюць 550 пунктах, ангельскіх – 600. Такі ўзровень сьведчыць аб тым, што вы ня толькі разумееце, што вам гавораць, але й пасьпяхова пішаце, не парушаючы асноўныя граматычныя правілы, а таксама разважаеце па- ангельску.
Толькі вось у чым праблема: тэст платны (100 даляраў ЗША), а ягоныя вынікі сапраўдныя на двухгадовы тэрмін. Калі тэрмін пройдзе, тэст трэба будзе здаваць па-новаму! Таму вы павінны добра ўсьведамляць, навошта вам вынікі тэсту і калі вы іх будзеце выкарыстоўваць.
Вынікі тэсту абавязковыя, калі вы захочаце навучацца ў любым з паўтысячы каледжаў і ўнівэрсытэтаў ЗША, Канады і ішных ангельскамоўных краінаў. Больш таго, удалае напісаньне тэсту спатрэбіцца, калі вырашыце працаваць у гэтых краінах (ліцэнзіі выдаюцца толькі ў адпаведнасьці з вынікамі тэсту).
У лютым 1998 году мноства краінаў сьвету замяніла традыцыйны TOEFL, які выконваўся пісьмова, на кампутарны варыянт, які мае шэраг істотных перавагаў. Цяпер тэст будзе праводзіцца больш чым у 300 цэнтрах па ўсім сьвеце. Віртуальнаму TOEFLу ўласьцівы зручны графік сдачы, камфартабельнасьць пры выкананьні, паменшаная колькасьць пытаньняў, чым у фармаце paper-based, і прыстасаванасьць іх пад “Ваш узровень”. А таксама магчымасьць убачыць вынік на маніторы адразу пасьля выкананьня тэсту. Тэст можна будзе атрымаць напрацягу 14 дзён пасьля здачы, а яшчэ выбраць да 4 адрэсатаў, якім вы накіруеце вынік сдачы TOEFL.
Шкала адзнак
Ня так даўно прынялі новую шкалу адзнак, распарацаваную спэцыяльна для кампутарнага варыянту TOEFL. Максымальная адзнака – 300 пунктаў. Кожная з трох частак ацэньваецца ад 0 да 30 п.: Listening (0-30), Structure/Writing (0-30) і Reading (0-30). Такім чынам, вы атрымоўваеце 4 адзнакі: 3 – за кожную з сэкцыяў і адну за агульны вынік, які вылічваецца наступным шляхам: адзнакі складаюцца, памнажаюцца на 10, а потым падзяляюцца на 3. Трыццаціхвіліннае эссэ ацэньваецца ад 0 да 6 пунктаў, а потым атрыманы вынік дадаецца да выніку Structure/Writing.
Як здаць іспыт, калі ня ведаеце кампутару?
Дзеля таго, каб здаць іспыт, ніякіх надзвычайных ведаў кампутару ня трэба. Вы можаце здаваць тэст, нават калі дагэтуль ня мелі ніякага досьведу працы з кампутарам. Усе неабходныя навыкі можна здабыць, выконваючы спэцыяльныя ўводныя сэкцыі непасрэдна перад тэстам.
І яшчэ: вы можаце здаваць TOEFL безьліч разоў, але зь перапынкамі ў часе (адзін месяц).
Карысныя спасылкі
на выпадак, калі вы раптоўна зацікавіліся:
- www.TOEFL.ru – афіцыйны сайт. Але расейскі
- www.TOEFL.com – для тых, хто любіць чытаць па-ангельску.
- http://www.amcenter.by/cgi-bin/show.cgi?id=toefl_faqs – FAQ па іспыце. На жаль, па- расейску.
- http://www.amcenter.by/cgi-bin/show.cgi?id=toefl_struct – калі раптоўна захочацца даведацца, з чаго наогул тэст складаецца і “што там можа быць”.
- http://www.amcenter.by/cgi-bin/show.cgi?id=test – дадатковыя зьвесткі аб рэгістрацыі удзельнікаў і інш.
